ಪರಶಿವಾಲಯ ವರ ಹಿಮಾಲಯ ಜ್ವಲಿಸು ಒಡಲಿನ ಜ್ವಾಲೆಯ
ಹಿರಿಮೆ ಮಹಿಮೆಯ ಓ ನಗಾಧಿಪ ದಹಿಸು ನಾಡಿನ ವೈರಿಯ ||ಪ||
ಸತ್ತು ಮಲಗುತ ನೆತ್ತರಿತ್ತರು ಎನಿತೋ ಸಾಸಿರ ಯೋಧರು
ತಮ್ಮ ನೆಲದೊಳೆ ಹೆಮ್ಮೆ ಛಲದೊಳೆ ಮಾತೆಗರ್ಪಿತರಾದರು
ಅತ್ತ ಹೆಣ್ಣಿನ ಕಣ್ಣ ನೀರಿದೆ ಹೆತ್ತ ಒಡಲದು ಚೀರಿದೆ
ಸುರಿದ ನೆತ್ತರ ಸೇಡಿನುತ್ತರ ನೀಡಿರೆನ್ನುತ ನರಳಿದೆ ||೧||
ವೀರ ದಾಹಿರನೊಡನೆ ಬಾಳಿದ ಸಿಂಧು ದೇಶದೊಳಡಗಿದ
ಖಡ್ಗ ಬಂಧುವೆ ಸೀಳು ದಾಸ್ಯವ ಏಳು ಮೇಲಕೆ ನೆಗೆಯುತ
ಪೃಥ್ವಿರಾಜನ ಸಮರಸಿಂಹನ ಕೂಡಿ ಮ್ಲೇಚ್ಛರ ಕಡಿಯುತ
ಮೆರೆದ ಲೋಹವೆ ದಾಹ ನಿನ್ನದು ತಣಿವ ಕ್ಷಣವಿದೊ ಬಂದಿದೆ ||೨||
ಕಾಲ್ಪಿ ಝಾನ್ಸಿಯ ಮಣ್ಣೊಳಡಗಿದ ದಾಹದಲಿ ಬಾಯಾರಿದ
ರಕ್ತಸ್ನಾನದ ಬಯಕೆ ತೀರದ ಪೂರ್ವಜರ ಪರಿವಾರದ
ತಾಂತ್ಯ ನಾನಾ ಕುವರಸಿಂಹರ ಕರದೊಳಾಡಿದ ಕುಶಲರೆ
ನೂರು ವರ್ಷದ ನಿದ್ದೆ ಇಂದಿಗೆ ಸಾಕು ಲೋಹದ ಗೆಳೆಯರೆ ||೩||
ನಮ್ಮ ಹಿಮನಗ ನಮ್ಮ ನೆಲ ಜಲ ಎಂದು ನುಡಿವುದೇ ನಾಲಿಗೆ?
ಶ್ರದ್ಧೆ ಭಕ್ತಿಯ ಕಾರ್ಯಕಿಳಿಸುವ ಬಲವಿಹುದೆ ಕೈಕಾಲಿಗೆ?
ನಮ್ಮದಾಗಿಹ ತೀರ್ಥಕ್ಷೇತ್ರವ ತುಳಿಯುತಿರಲರಿ ರಕ್ಕಸ
ಎದ್ದು ನಿಲ್ಲಲಿ ಗ್ರಾಮಗ್ರಾಮದ ರಾಮಲಕ್ಷ್ಮಣ ತಾಪಸ ||೪||
ಮೂರು ದಿಕ್ಕಿನ ಕಡಲ ತಡಿಯಿಂದೋಡಿ ಬನ್ನಿರಿ ಬನ್ನಿರಿ
ಮಲಗಿದುಕ್ಕಿನ ತುಕ್ಕನೊರೆಸುತ ಗೆಲುವು ನಿಶ್ಚಿತವೆನ್ನಿರಿ
ಯಾವ ಮಾತೆಯ ಯಾವ ಮಣ್ಣಿನ ಮಕ್ಕಳೆಂಬುದ ತೋರಿರಿ
ಬಲಿಗೆ ಹಸಿದಿಹ ಶಸ್ತ್ರ ಹಿರಿಯುತ ಶತ್ರುಸೇನೆಯನಿರಿಯಿರಿ ||೫||
Parasivalaya Vara Himalaya Jvalisu Odalina Jvaleya
Hirime Mahimeya O Nagadhipa Dahisu Nadina Vairiya ||Pa||
Sattu Malaguta Nettarittaru Enito Sasira Yodharu
Tamma Neladole Hemme Caladole Mategarpitaradaru
Atta Hennina Kanna Neeride Hetta Odaladu Cheeride
Surida Nettara Sedinuttara Needirennuta Naralide ||1||
Veera Dahiranodane Balida Simdhu Desadoladagida
Khadga Bamdhuve Seelu Dasyava Elu Melake Negeyuta
Pruthvirajana Samarasimhana Koodi Mlechcara Kadiyuta
Mereda Lohave Daha Ninnadu Taniva Kshanavido Bamdide ||2||
Kalpi Jhansiya Mannoladagida Dahadali Bayarida
Raktasnanada Bayake Teerada Poorvajara Parivarada
Tamtya Nana Kuvarasimhara Karadoladida Kusalare
Nooru Varshada Nidde Imdige Saku Lohada Geleyare ||3||
Namma Himanaga Namma Nela Jala Emdu Nudivude Nalige?
Sraddhe Bhaktiya Karyakilisuva Balavihude Kaikalige?
Nammadagiha Teerthakshetrava Tuliyutiralari Rakkasa
Eddu Nillali Gramagramada Ramalakshmana Tapasa ||4||
Mooru Dikkina Kadala Tadiyimdodi Banniri Banniri
Malagidukkina Tukkanoresuta Geluvu Nischitavenniri
Yava Mateya Yava Mannina Makkalembuda Toriri
Balige Hasidiha Sastra Hiriyuta Satruseneyaniriyiri
